Friday, January 29, 2021

অংক আৰু আতংক: অভিভাৱক আৰু শিক্ষকৰ কৰণীয়

অংক আৰু আতংক: অভিভাৱক আৰু শিক্ষকৰ কৰণীয়ঃ

মহামতি আকবৰৰ ৰাজসভাত এবাৰ আকবৰে বীৰবল সহিতে সভাসদবৰ্গক মাতি আনি প্ৰত্যেককে একোটাকৈ মেকুৰী পোৱালি প্ৰতিপালন কৰিবলৈ দি কলে, ’ আপোনালোকৰ প্ৰত্যেককে একোটাকৈ মেকুৰী পোৱালি দিয়া হব আৰু যিয়ে নিজৰ মেকুৰীটোৰ যত্ন লৈ নোদোকা কৰিব পাৰিব তেওঁকেই বিশেষভাৱে পুৰস্কৃত কৰা হব৷ মেকুৰীৰ বাবে প্ৰয়োজনীয় গাখীৰ ৰাজভঁৰালৰ পৰা যোগান ধৰা হব আৰু এমাহৰ পিছত সকলোৱে নিজৰ মেকুৰীবোৰ লৈ আহি দেখুৱাব লাগিব।

গণিতৰ মোৎজাৰ্ট: টেৰেন্স টাও

 

গণিতৰ মোৎজাৰ্ট: টেৰেন্স টাও

টেৰেন্স টাও কোন?
শ্ৰেণীকোঠাত বা কোনো সভাকক্ষত শিক্ষক বা বক্তাসকলে কেইবাশ বছৰৰ আগৰ কোনো গণিতজ্ঞৰ বিষয়ে যেতিয়া বক্তৃতা দি থাকে তেতিয়া সেই গণিতজ্ঞজনে দেখুৱাই দিয়া পদ্ধতিবোৰ কেনেকৈ আজি পৰ্যন্ত ব্যৱহাৰ হৈ আহিছে, হাজাৰ বছৰ পাছতো সেইবোৰ কিয় প্ৰয়োজন হৈ থাকিব, তেতিয়াও সেই পদ্ধতিবোৰ পাহৰি গ
লে অধ্যয়ন কেনেকৈ সীমাবদ্ধ হৈ পৰিব, তেওঁৰ প্ৰতিভাক হাজাৰ বছৰলৈকে সকলোৱে কিয় মনত ৰাখিব ইত্যাদি কথাবোৰ কৈ থকা অৱস্থাত বহুতো ছাত্ৰ-ছাত্ৰীৰ মনলৈ প্ৰায়ে এটা প্ৰশ্ন আহে৷ সেই প্ৰশ্নটো হ এশ বছৰ বা তাৰ আগৰ কোনো গণিতজ্ঞৰ বিষয়ে আমি সহজেই শুনিবলৈ পাওঁ; কিন্তু বৰ্তমান জীয়াই থকা আৰু এতিয়াও অধ্যয়নত ব্যস্ত হৈ থকা এনে বহু গণিতজ্ঞ আছে যাক মহান গণিতজ্ঞ হিচাপে সদায় মনত ৰখা হব আৰু যাৰ অধ্যয়নৰ বিষয়ে এশ বছৰৰ পাছত সকলোৱেই বক্তৃতা দিবলৈ আৰম্ভ কৰিব, তেনেকুৱা এজন গণিতজ্ঞৰ বিষয়ে বৰ্তমানে কোনোবাই কব পাৰিবনে?

Thursday, January 28, 2021

শিশু যদি হয় আঁকোৰগোঁজ

শিশু যদি হয় আঁকোৰগোঁজঃ

শিশুসকল হৈছে আমাৰ দেশৰ ভৱিষ্যৎ। দেশৰ ভৱিষ্যৎ শক্তিশালী কৰি তুলিবলৈ শিশুসকলৰ মূল ভেটি দৃঢ় কৰি কৰি তুলিব লাগিব। কিয়নো, ভেটি মজবুত হলেহে শিশুৰ উত্তৰণ ঘটা সম্ভৱপৰ হয়।

ওজাপালি বা পাঞ্চালিৰ জন্ম আৰু কিছুকথা

ওজাপালি বা পাঞ্চালিৰ জন্ম আৰু কিছুকথাঃ

হাতে মুদ্ৰা,
মুখে পদ,
ময়ুৰসদৃশ নাচ।

অসমৰ বাৰেৰহনীয়া সাংস্কৃতিক ক্ষেত্ৰখনত যিসমূহ লোককলা ভোটা তৰাৰ দৰে জিলিকি আছে তাৰ মাজৰে এটা অন্যতম কলা হ’ল ওজাপালি। অসমৰ অতীজৰ মূল দৰঙী সংস্কৃতিৰ দৃশ্য শ্ৰাব্য কলাসমূহৰ মাজৰ ই এটা অৰ্ধ নাটকীয় পৰিৱেশ্য কলা।

Wednesday, January 27, 2021

মনত ৰখাৰ কৌশল

মনত ৰখাৰ কৌশলঃ

দূৰদৰ্শনৰ পৰ্দাত সঘনাই দেখা পোৱা বিজ্ঞাপনবোৰৰ ভিতৰত অন্যতম হল ‘ব্ৰেনোলিয়া টনিক দৈনিক ব্ৰেনোলিয়া খাওক আৰু স্মৃতিশক্তি প্ৰখৰ কৰক। সৰুতে আমিও ভাবিছিলোঁ এই ধৰণৰ টনিক, ব্ৰাহ্মী শাকজাতীয় বস্তুবোৰে মানুহৰ স্মৃতিশক্তি বৃদ্ধি কৰে। কিন্তু সঁচাকৈয়ে ছাত্ৰ-ছাত্ৰীসকলে পঢ়া-শুনা নকৰি কেৱল এই টনিকসমূহৰ জৰিয়তে নিজৰ স্মৃতিশক্তি বৃদ্ধি কৰিব পাৰিবনে? সাধাৰণ ৰাইজৰ মাজত থকা এই ভ্ৰান্ত ধাৰণাবোৰ সলনি কৰাৰ হয়তো প্ৰয়োজন আহি পৰিছে।

শ্ৰীমন্ত শংকৰদেৱ আৰু মাধৱদেৱৰ দ্বাৰা শ্ৰী কৃষ্ণৰ চাৰিত্ৰিক বৈশিষ্ট্য বৰ্ণনা

শ্ৰীমন্ত শংকৰদেৱ আৰু মাধৱদেৱৰ দ্বাৰা শ্ৰী কৃষ্ণৰ চাৰিত্ৰিক বৈশিষ্ট্য বৰ্ণনাঃ


চৈতন্য স্বৰুপ নিত্য
কৃ
ষ্ণৰুপে দৈৱকীত হৈলা অৱতাৰ।
শংখ চক্ৰ গদা পদ্ম কৰত তোমাৰ।।
পীত-বস্ত্ৰে শোভে আতি শ্যাম কলেবৰ।
কমল-লোচন চাৰু অৰুণ অধৰ।।
সুন্দৰ নাসিকা কৰ্ণে মকৰ কুণ্ডল।
কণ্ঠত কৌস্তভ শিৰে কিৰীটি উজ্জ্বল।।
আপাদ-লম্বিত বনমালা জ্জ্বলে গলে।
শোভে আতি শ্ৰী বৎস বহল বক্ষস্থলে।। (ক্ৰমশ:)

Tuesday, January 26, 2021

গণৰাজ্য দিৱস আৰু কিছুকথা

 

গণৰাজ্য দিৱস আৰু কিছুকথাঃ

আজি, ২৬ জানুৱাৰীৰ এই দিনটোতে পালন কৰা হয় গণৰাজ্য অৰ্থাৎ গণতন্ত্ৰ দিৱস ৷ গতিকে আজি গণতন্ত্ৰৰ বিষয়ে কিছু কথা এই চেগতে জানি থওঁ আহক-

Monday, January 25, 2021

ভাওনাঃ এক আলোকপাত

ভাওনাঃ এক আলোকপাত

অসমৰ সৰ্বতোকালৰ সৰ্বোত্তম মহাপুৰুষ শ্ৰীমন্ত শংকৰদেৱৰ অনুপম সৃষ্টি অংকীয়া নাট ভাওনা। শ্ৰীমন্ত শংকৰদেৱ আৰু মাধৱদেৱে ৰচনা কৰা নাটসমূহক 'অংকীয়া নাট' আখ্যা দিয়া হয়। মহাপুৰুষ দুজনাই তেওঁ লোকে ৰচনা কৰা নাটসমূহক যাত্ৰা ঝুমুৰা হে বুলিছিল। পৰৱৰ্তী কালত কোনো কোনো বৈষ্ণৱ ভকতেহে ইয়াক অংকীয়া নাট বুলি নামাকৰণ কৰে। ভাওনা শব্দৰ প্ৰকৃত অৰ্থ ভাও দি দেখুওৱা কাৰ্য। অংকীয়া নাটৰ অভিনয়কহে দৰাচলতে ভাওনা বোলা হয়। বৰ্তমান এনে নাটক ভাওনা বোলা হয় আৰু ৰচনা কাৰ্যক নাট-কটা বা নাট-লেখা বুলি কোৱা হয়।

Sunday, January 24, 2021

বৰ্ত্তমান সময়ত লক্ষ্মীনাথ বেজবৰুৱাৰ প্ৰাসঙ্গিকতা

বৰ্ত্তমান সময়ত লক্ষ্মীনাথ বেজবৰুৱাৰ প্ৰাসঙ্গিকতা

মধ্যযুগীয় সাংস্কৃতিক আন্দোলনে শঙ্কৰদেৱৰ প্ৰতিভাত যি প্ৰতিক্ৰিয়াৰ সৃষ্টি কৰিছিল তাৰে পৰাই ফুলে পাতে বিকশিত হৈ উঠিল অসমীয়া সংস্কৃতি। এই সাংস্কৃতিক আন্দোলনে অসমীয়া সমাজ জীৱনক এক নতুন বাটৰ সন্ধান দিলে, এক ঐক্যবদ্ধ বৃহত্তৰ অসমীয়া সমাজৰ ভেটি গঢ়ি উঠাৰ পথ প্ৰশস্ত কৰিলে।

নামঘোষাঃ এটি চমু আলোকপা

 নামঘোষাঃ এটি চমু আলোকপাতঃ

মহাপুৰুষ শ্ৰীমন্ত শংকৰদেৱৰ দৰে মাধৱদেৱো আছিল বহুমুখী প্ৰতিভাসম্পন্ন মহাপুৰুষ।নৱ-বৈষ্ণ ধৰ্ম প্ৰচাৰৰ ক্ষেত্ৰত শংকৰদেৱৰ প্ৰধান সহায়ক আছিল মহাপুৰুষ মাধৱদেৱ।মাধৱদেৱৰ সাহিত্যিক জীৱনৰ কীৰ্তিস্তম্ভনামঘোষা মহাপুৰুষ শংকৰদেৱৰ তিৰোধানৰ পাছত ১৫৯০-১৫৯৬ চনৰ ভিতৰত কোচবিহাৰৰ ভেলাডোঙা নামৰ ঠাইত মাধৱদেৱে লিখিছিল নামঘোষা। এই মহান গ্ৰন্থখনি মাধৱদেৱৰ আধ্যাত্মিক জীৱনৰ পূৰ্ণ অভিজ্ঞতাৰ ছন্দোময় অভিব্যক্তি।এহেজাৰ ঘোষা থকা বাবে পুথিখনকহেজাৰী ঘোষানামেও জনাজাত। অৱশ্যে দুই এখন ছপা পুথিত এহেজাৰ এটা ঘোষাও দেখা যায়। ইয়াৰ ছশমান ঘোষা ভাগৱত, গীতা, বৃহন্নাৰদীয় পুৰাণ আদি গ্ৰন্থৰ ভক্তিপ্ৰধান শ্লোকৰ ৰসাল অনুবাদ আৰু বাকীখিনি তেখেতৰ আধ্যাত্মিক অভিজ্ঞতাৰপৰা নিগৰি ওলোৱা। ভাববস্তুৰ লগত ৰুপবস্তুৰ সাৱলীল সামঞ্জস্যতাই বিষয়বস্তুক ভক্তিৰসত পৰিণত কৰাত নিতান্তই সফল হোৱা নামঘোষাৰ লগত কাৰোৰে তুলনা নহয়। নামঘোষা এনে এখন পুথি কীর্তনৰ দৰে কাহিনীৰ সমাৱেশ নাই,আছে মাথোঁ পাঠক শ্ৰোতাক ভক্তিৰসেৰে আপ্লুত কৰি ডুবাই ৰাখিব পৰা গুণ

Saturday, January 23, 2021

শীতকালি গছৰ পাত সৰে কিয় ?

শীতকালি গছৰ পাত সৰে কিয় ?

শীতকালি বৰষুণৰ পৰিমাণ কমে। বায়ুৰ আৰ্দ্ৰতা হ্ৰাস পায়। গতিকে গছজোপাত আৱশ্যক হোৱা পানীৰ অভাৱ হয়। পানীৰ অভাৱত সেউজীয়া পাতবোৰ হালধীয়া বা ৰঙচুৱা হৈ সৰি পৰে। গছত বেছি পাত থাকিলে বেছি পানীৰ আৱশ্যক হয়। শীতকালি পানীৰ পৰিমাণ কমি যোৱাৰ বাবে গছৰ পাত সৰি পানীৰ অভাৱ পূৰণ কৰিবলৈ প্ৰকৃতিয়ে এনে সুন্দৰ ব্যৱস্থা লয়

Friday, January 22, 2021

সুভাষ চন্দ্ৰ বসু আৰু পৰাক্ৰম দিৱস

সুভাষ চন্দ্ৰ বসু আৰু পৰাক্ৰম দিৱসঃ

জন্মঃ ২৩ জানুৱাৰী, ১৮৯৭ কটক, উৰিষ্যা ডিভিজন, বেংগল প্ৰৱিন্স, ব্ৰিটিছ শাসিত ভাৰত।
২০২১ চনৰ পৰা ভাৰত চৰকাৰে তেখেতৰ জন্ম দিনটোক পৰাক্ৰম দিৱস হিচাপে পালন কৰাৰ সিদ্ধান্ত গ্ৰহণ কৰে।

বৈষ্ণৱ সমাজৰ সেৱাৰ থলী নামঘৰ

 বৈষ্ণৱ সমাজৰ সেৱাৰ থলী নামঘৰঃ

মহাপুৰুষ শ্ৰীমন্ত শঙ্কৰদেৱে প্ৰৱৰ্তন কৰা নৱ-বৈষ্ণৱ ধৰ্মৰ ধৰ্মীয় অনুষ্ঠান দুটিৰ এটি হৈছে নামঘৰ আৰু আনটি হৈছে সত্ৰ। আমাৰ আলোচ্য বিষয় হৈছে নামঘৰ। শঙ্কৰদেৱৰ ধৰ্ম প্ৰচাৰৰ কেন্দ্ৰস্হল হৈছে এই নামঘৰ। এই নামঘৰক কেন্দ্ৰ কৰিয়েই গুৰুজনাৰ প্ৰৱৰ্তিত ‘একশৰণ হৰি নাম ধৰ্ম’ই অসমীয়া সমাজত প্ৰচাৰ আৰু প্ৰসাৰতা লাভ কৰি বৰ্তি থাকিবলৈ সক্ষম হৈছে। গুৰজনাই প্ৰথমে নগাঁৱৰ বৰদোৱা(বটদ্ৰৱা) ত নামঘৰ প্ৰতিষ্ঠা কৰিছিল। ক্ৰমে অসমৰ সৰ্বত্ৰতে তেখেতৰ আদৰ্শৰে নামঘৰ গঢ় লৈ উঠে। নামঘৰত সাধাৰণতে চাৰিটা  প্ৰধান অংশ বা ঘৰ থাকে। এইকেইটা হৈছে নামঘৰ বা কীৰ্তন ঘৰ, মণিকূট, ছোঁ ঘৰ আৰু বাটচৰা।

জোনবিল মেলা

জোনবিল মেলা:


বৰ্তমান মৰিগাঁও জিলাৰ দক্ষিণ-পশ্চিম অঞ্চল আৰু জাগীৰোডৰ পৰা চাৰি কিলমিটাৰ উত্তৰে এসময়ত গোভা ৰাজ্যৰ অৱস্থিতি আছিল৷ সেই প্ৰাচীন গোভা ৰাজ্যই ইতিহাসপ্ৰসিদ্ধ জোনবিল মেলাৰ স্থান৷ গোভা ৰজাই প্ৰচলন কৰা দেওৰজাৰ ৰাজ-দৰবাৰৰ সিদ্ধান্ত অনুসৰি অতীজৰে পৰা চিৰাচৰিত প্ৰথাৰে জোনবিলৰ পাৰত জোনবিল মেলা বছৰি অনুষ্ঠিত হৈ আহিছে৷ এই মেলাই অসমৰ অন্যতম জনগোষ্ঠী তিৱাসকলৰ সংস্কৃতিৰ এক ঐতিহাসিক স্বাক্ষৰ বহন কৰে৷

Thursday, January 21, 2021

অসমৰ সৰ্বকালৰ সৰ্বশ্ৰেষ্ঠ পুৰুষ

অসমৰ সৰ্বকালৰ সৰ্বশ্ৰেষ্ঠ পুৰুষঃ

ছাৰ উইলিয়াম শ্বেইক্সপীয়েৰৰ জীৱন আৰু কৰ্মৰাজিক লৈ ইংৰাজী সাহিত্যত আজিকোপতি যি অধ্যয়ণ আৰু গৱেষণা চলি আহিছে আৰু পৰিণামত যি বিশাল গ্ৰন্থ ভাণ্ডাৰ ৰচিত হৈছে, তাৰ সমানুপাতিক নহলেও অসমীয়া সাহিত্যত শংকৰদেৱৰ অধ্যয়ন আৰু গৱেষণা প্ৰায় একেটা ধাৰাতেই আগবাঢ়ি আহিছে। অৱশ্যে ড° মহেশ্বৰ নেওগৰ দৰে পণ্ডিত প্ৰৱৰ লোকে উপলব্ধি কৰিছে যে লক্ষ্মীনাথ বেজবৰুৱা, বাণীকান্ত কাকতি প্ৰমুখ্যে সুধি সকলে কৰা তত্ব গভীৰ আলোচনাৰ পিছৰ পৰা শংকৰদেৱৰ জীৱন-দৰ্শন, সাধনাৰ চৰ্চা বিৰল হৈ পৰিছে। তৎসত্বেও অনস্বীকাৰ্য সত্যটো হল শংকৰদেৱ সম্পৰ্কে তাহানিৰ চৰিত পুথিৰ পৰা আৰম্ভ কৰি বৰ্তমান বিশ্ববিদ্যালয়ত গৱেষণা পুথি বোৰলৈকে, বৰগীত-ভটিমাৰ আলোচনাৰ পৰা কীৰ্তন-দশমৰ অনেক সংস্কৰণৰ পাতনি জাতীয় বিশ্লেষণ লৈকে যিমান বোৰ আলোচনা-বিলোচনা হৈছে, অসমৰ আন কোনো শিল্পী-সাহিত্যিক বা মনীষীৰ বেলিকা সেয়া হোৱা নাই। ইয়াৰ কাৰণ অসমীয়া জাতীয় জীৱনত শংকৰদেৱৰ অপৰিসীম আৰু সুগভীৰ প্ৰভাৱ।

Wednesday, January 20, 2021

অসমীয়া সংস্কৃতিত গামোচাৰ প্ৰভাৱ

অসমীয়া সংস্কৃতিত গামোচাৰ প্ৰভাৱঃ

গামোচাৰ অবিহনে আমি আমাৰ সংস্কৃতিৰ কথা কল্পনাই কৰিব নোৱাৰো । পুৱাৰ পৰা নিশালৈকে ই আমাৰ জীৱনৰ এক এৰাব নোৱাৰ সংগী হৈ আহিছে । গামোচাৰ অভিধানিক অৰ্থ গা মোচিবলৈ ব্যৱহাৰ কৰা এবিধ কাপোৰ । কিন্তু ই কেৱল এই সীমিত সংজ্ঞাতে সীমাবদ্ধ হৈ নাথাকিল । বিভিন্ন সময়ত বিভিন্ন ৰূপে ই আমাৰ সমাজৰ এক গুৰুত্বপূৰ্ণ স্থান দখল কৰি ললে । আনকি আন্তৰাষ্টীয় পৰ্য্যায়তো ই আমাৰ জাতীয় জীৱনৰ চিনাকী স্বৰুপে জিলিকি উঠিবলৈ সক্ষম হৈছে । আহোম ৰজাৰ ৰাজত্ব কালৰ পৰা স্বকীয় বৈশিষ্টৰে উদ্ভাসিত হৈ গামোচাখনে অসমীয়া জাতিৰ সাংস্কৃতিক প্ৰতীক তথা জাতিৰ এক অন্যান্য সত্বাৰুপে স্বীকৃতি লাভ কৰিবলৈ সক্ষম হল । আহোম যুগৰ পৰাই বিভিন্ন ক্ষেত্ৰত খাপ খোৱাকৈ বেলেগ বেলেগ মানৰ গামোচা ব্যৱহাৰৰ উল্লেখ বুৰঞ্জী সমূহত পোৱা যায় । অন্য ৰাজ্যৰ ৰজা বা বৰমূৰীয়া সকলক গামোচা উপহাৰ আগবঢ়াই বন্ধুত্ব চিন স্বৰূপে সন্মান প্ৰদৰ্শন কৰিবলৈ লোৱাৰে পৰা গামোচাই তাৰ অভিধানিক অৰ্থ অতিক্ৰমি এক বিস্তৃত অৰ্থত ব্যৱহৃত হবলৈ ললে । অসমৰ বাহিৰলৈ কৰবালৈ গলে তাত কোনো মানুহৰ গাত গামোচাখন দেখিলেই এক বুজাব নোৱাৰা আনন্দই দেহ মন চুই যায় । তেনে লোকজন অচিনাকী হলেও আমাৰ ঘৰৰে কোনো আপোন মানুহ যেন ধাৰণা মনলৈ আহে । সঁচা অৰ্থত কবলৈ গলে, গামোচাখনে আমাক একতাৰ এক পৱিত্ৰ ডোলেৰে বান্ধি ৰাখিবলৈ সক্ষম হৈছে ।

অসমীয়া ভাষাটো সৰলীকৰণৰ আৰু হেমকোষৰ বিষয়ে দুআষাৰ

 অসমীয়া ভাষাটো সৰলীকৰণৰ আৰু হেমকোষৰ বিষয়ে দুআষাৰঃ

আজিৰ সমাজত এচাম অসমীয়াই অসমীয়া ভাষাটো সৰলীকৰণৰ কথা চিন্তা কৰি অসমীয়া ভাষাটোৰ কিছু সাল-সলনি কৰিছে। সেইখিনি কিমান যুক্তিসংগত আৰু আৱশ্যকীয় সেই কথা চিন্তা কৰাৰ প্ৰয়োজনীয়তা আজি আহি পৰিছে।

Tuesday, January 19, 2021

সত্ৰীয়া সমাজ-সংস্কৃতিৰ ক্ৰমবিৱৰ্তনঃ এক চিন্তন

 সত্ৰীয়া সমাজ-সংস্কৃতিৰ ক্ৰমবিৱৰ্তনঃ এক চিন্তনঃ

অসমীয়া জাতিয়ে সঠিক ৰূপত গঢ় লোৱাৰ সময় বুলিলে শংকৰদেৱৰ সমাজ সংস্কাৰৰ সময়খিনিকে ধৰি লোৱা হয়৷ পূৰ্বৰ অন্ধবিশ্বাস, বলিপ্ৰথাৰ ঠেক চিন্তাধাৰাক আঁতৰাই শংকৰদেৱে প্ৰতিষ্ঠা কৰিছিল এক নৱ অভ্যূদয়ৰ সমাজ৷

বৰপেটা সত্ৰৰ অখণ্ড প্ৰদীপ “অক্ষয় বন্তি”

বৰপেটা সত্ৰৰ অখণ্ড প্ৰদীপ “অক্ষয় বন্তি”

একশৰণ হৰিনাম ধৰ্মৰ ধ্বনিৰে অবিৰত মুখৰিত বৰপেটা সত্ৰ। ঐতিহ্যমণ্ডিত এই বৰপেটা সত্ৰ অদ্যাপি উজলি আছে মহাপুৰুষ মাধৱদেৱে জ্বলাই যোৱা অখণ্ড প্ৰদীপ শিখাৰে। এই আলোক শিখা প্ৰত্যেক নৰনাৰীৰে সেৱাৰ বস্তু। যাৰ ক্ষয় নাই, যিয়ে অবিৰতভাৱে প্ৰতিনিয়ত উজ্জ্বল শিখাৰে ইয়াৰ চাৰিওদিশ আলোকিত কৰি ৰাখিছে, সেয়াই অক্ষয়বন্তি। প্ৰজ্জ্বলিত হোৱাৰ দিন ধৰি কোনোদিনে ই নুমাই যোৱা নাই। এই শিখা অখণ্ড প্ৰদীপশিখা। বৈষ্ণৱসকলৰ দৃষ্টিত অক্ষয়বন্তি ধৰ্মীয় বিশ্বাসৰ প্ৰতীক। এন্ধাৰৰ বুকু ফালি অগত্নিশিখাই যিদৰে মানুহৰ জীৱন আলোকিত কৰিব পাৰে, তেনেকৈ সেই উজ্জ্বলিওত শিখাৰ নিৰ্বাণে অনা এন্ধাৰে মানুহৰ জীৱনত অমানিশাৰ সৃষ্টিও কৰিব পাৰে। অক্ষয়বন্তিয়ে ধৰ্মৰ ধ্বজা উৰুৱাই থকাৰ কথাই নৈমিষাৰণ্যত সৌণকাদি মুনিসকলে হাজাৰ হাজাৰ বছৰ ধৰি নিয়মৰ মাজেদি সম্পাদিত কৰা সত্ৰানুষ্ঠানুৰ গৰিমাৰ স্মৃতিকেই উজাৰি দিয়ে।

Monday, January 18, 2021

ব্যাকৰণ আৰু ব্যাকৰণৰ প্ৰকাৰ

ব্যাকৰণ আৰু ব্যাকৰণৰ প্ৰকাৰঃ

ব্যাকৰণ (ইংৰাজী- Grammar) এটা সংস্কৃত ভাষাৰ শব্দ; ইয়াৰ অৰ্থ হ’ল সকলো কথা খৰচি মাৰি কৰা আলোচনা। কোনো এটা ভাষাৰ গঠনৰ সকলো কথা বিতংকৈ বিশ্লেষণ বা আলোচনা কৰা পুথিৰ নাম সেই ভাষাৰ ব্যাকৰণ। ব্যাকৰণত একোটা ভাষাৰ ধ্বনি, বৰ্ণ, বৰ্ণমালা, শব্দ আৰু পদৰ সাধন, পদৰ পৰা বাক্যৰ গঠন আদি চৰ্চা কৰা হয়।

Saturday, January 16, 2021

ৰাষ্ট্ৰধৰ্ম মোৰ শ্ৰেষ্ঠ ধৰ্ম

ৰাষ্ট্ৰধৰ্ম মোৰ শ্ৰেষ্ঠ ধৰ্ম
শ্ৰী  প্ৰেম বৈষ্ণ

ৰাষ্ট্ৰ হিতৰ চিন্তা কৰা ভাই,
মানৱতাক দিয়া প্ৰাথমিকতা,
ৰাষ্ট্ৰধৰ্ম হওঁক আমাৰ শ্ৰেষ্ঠ ধৰ্ম,
ৰাষ্ট্ৰ ভক্তিৰে তুমি প্ৰমাণ কৰা।

চন্দ্ৰবিন্দুৰ ব্যৱহাৰ

চন্দ্ৰবিন্দুৰ ব্যৱহাৰঃ

অসমীয়া ভাষাত চন্দ্ৰবিন্দুৰ ব্যৱহাৰ এটা মনকৰিবলগীয়া বিষয়। চন্দ্ৰবিন্দুৰ ব্যৱহাৰৰ ক্ষেত্ৰত ড মহেশ্বৰ নেওগৰ 'নিকা অসমীয়া ভাষা' আৰু ড গোলোকচন্দ্ৰ গোস্বামীৰ 'অসমীয়া ব্যাকৰণ-প্ৰৱেশ' নামৰ কিতাপ দুখনত উল্লেখ কৰা নিয়মসমূহ তলত আলোচনা কৰা হ'ল।

Popular