ৰাষ্ট্ৰধৰ্ম মোৰ শ্ৰেষ্ঠ ধৰ্ম

ৰাষ্ট্ৰধৰ্ম মোৰ শ্ৰেষ্ঠ ধৰ্ম
✍ শ্ৰী  প্ৰেম বৈষ্ণৱ

ৰাষ্ট্ৰ হিতৰ চিন্তা কৰা ভাই,
মানৱতাক দিয়া প্ৰাথমিকতা,
ৰাষ্ট্ৰধৰ্ম হওঁক আমাৰ শ্ৰেষ্ঠ ধৰ্ম,
ৰাষ্ট্ৰ ভক্তিৰে তুমি প্ৰমাণ কৰা।

ৰাষ্ট্ৰৰ নিৰ্ভীক পূজাৰী তুমি,
সত্যৰ বাহক তুমি , সাধক তুমি।
অন্যায় অত্যাচাৰত জৰ্জৰিত সমাজ,
হত্যা-হিংসা, ধৰ্ষণ- লুণ্ঠনকাৰীয়ে,
অৰ্থবল ও বাহুবলেৰে ৰাজত্ব কৰিছে,
দুখীয়াৰ তেজ শুহি, চলাহী কথাৰে,
ৰাজপাট ভোগ কৰা, কথাচহকী
নেতাবোৰে , অপৰাধীৰ  অনুজ্ঞাপত্ৰত,
টকাৰ লোভত স্বাক্ষৰ কৰিছে ।
সত্য পথত সাহসেৰ আগুৱাই যোৱা,
লক্ষ্য বিন্দু তোমাৰ কাষতে আছে,
সফলতাই তোমালৈ বাট চাই আছে,
কেৱল আত্মবিশ্বাসক প্ৰাধান্য দিবা ।
ভোল নাযাবা ধৰাৰ  মায়া-মোহত,
তোমাৰ জীৱন যায় যদিও যাওঁক,
স্বদেশৰ গৰিমা আৰু দহৰ স্বাৰ্থত...
জঁপিয়াই পৰা আপোচহীন সংগ্ৰামত ।
ৰাষ্ট্ৰ হিতৰ বাবে নিজকে অৰ্পণ কৰা,
ঘৰে ঘৰে জ্ঞানৰ শিখা প্ৰজ্বলনেৰে,
অন্ধবিশ্বাসৰ পৰা দেশক মুক্ত কৰা ।
ধৰ্মান্ধ আৰু ধৰ্মৰ ঠিকাদাৰ সকলৰ ,
কৰাল হাতোৰাৰ পৰা দেশক মুক্ত কৰা ।