L1: Assamese Chapter: 3 Part: 8

L1: Assamese Chapter: 3 Part: 8
Assam TET-2021 Preparation
নিৰ্দিষ্টতাবাচক প্ৰত্যয়ঃ (খণ্ডঃ ৮)

নিৰ্দিষ্টতাবাচক প্ৰত্যয়ঃ
যিবোৰ প্ৰত্যয়ে বিশেষ্য, বিশেষণ, সংখ্যাবাচক শব্দ আৰু কোনো কোনো সৰ্বনামৰ পিছত যোগ হৈ কোনো বস্তুঅ বা প্ৰাণীৰ আকৃতি-প্ৰকৃতি, পৰিমাণ, লিঙ্গ ইত্যাদি নিৰ্দিষ্টকৈ নিৰ্দেশ কৰে নিৰ্দিষ্টতাবাচক প্ৰত্যয় বুলি কোৱা হয়। নিৰ্দিষ্টতাবাচক প্ৰত্যয়ৰ যোগ অসমীয়া ভাষাৰ এটি উল্লেখযোগ্য বৈশিষ্ট্য। তলত কেইটিমান নিৰ্দিষ্টতাবাচক উল্লেখ কৰা হ’ল –

১। আষিঃ কল-আষি

২। আঁটিঃ খৰি আঁটি

৩। কঠাঃ চাউল কথা

৪। কণ, ক্ষুদ্ৰাৰ্থে কণিঃ ল’ৰা-কণ, ল’ৰা কণি, তেল-কণ

৫। কাচলিঃ ৰ’দ-কাচলি

৬। কন্ধাঃ খৰিকন্ধা

৭। কুৰাঃ জুইকুৰা

৮। কোছাঃ চাবি-কোছা, চুলি কোছা

৯। খন, ক্ষুদ্ৰাৰ্থে-খনিঃ পুথি-খন, স্কুল-খন, নৈ-খন, পুথি-খনি

১০। খিনিঃ পানী-খিনি, ভাল-খিনি

১১। খিলাঃ পাণ-খিলা, কাগজ-খিলা

১২। গছ, ক্ষুদ্ৰাৰ্থে-গছিঃ জৰী-গছ, চাকি-গছি

১৩। গৰাকী (সন্মান আৰু বিশেষ অৰ্থত ব্যৱহাৰ হয়): মানুহগৰাকী

১৪। গালঃ ভাত-গাল, মাহ-গাল

১৫। গোটঃ মানুহগোট, পশুগোট

১৬। ঘটিঃ পানী-ঘটি

১৭। ঘৰঃ মানুহ-ঘৰ

১৮। চকল(চেপেটা, পাতল বস্তুবাচক): আম-চকল, মাছ-চকল।

১৯। চটা, ক্ষুদ্ৰৰ্থে- চটিঃ বাঁহ-চটা, কাঠ-চটা; কাঠ চটি, পাট-চটি

২০। চপৰাঃ এচপৰা, মাটিচপৰা

২১। চমকাঃ মাটি-চমকা

২২। চলা, ক্ষুদ্ৰাৰ্থে চলিঃ পাট-চলা, পাট-চলি

২৩। চলুঃ পানী-চলু

২৪। চাবঃ কোৰ চাব

২৫। চিৰাঃ মাহ-চিৰা

২৬। চিলিমঃ ভাং-চিলিম

২৭। চেলেকা(জুলীয়া পৰিমাণ বাচক): গাখীৰ চেলেকা

২৮। ছটা, ক্ষুদ্ৰাৰ্থে ছাটিঃ ৰ’দ ছটা, বতাহ-ছাটি

২৯। ছালিঃ তামোল-ছালি

৩০। ছোৱাঃ কাল-ছোৱা, সময়-ছোৱা

৩১। জন(সন্মানাৰ্থে) জনা(অধিক মান্যাৰ্থে), জনী(স্ত্ৰীবাচক): মানুহজন, মানুহজনী

৩২। জাউৰিঃ গালি-জাউৰি

৩৩।  জাকঃ চৰাইজাক

৩৪। জোপা, ক্ষুদ্ৰাৰ্থে জুপিঃ লাও-জোপা, তুলসী-জুপি

৩৫। টো, সংখ্যাবাচক শব্দৰ পাছত –টা, ক্ষুদ্ৰাৰ্থে-টিঃ ল’ৰাটো, মানুহটো, এটা, দুটা, ল’ৰাটি, সাত-সাতটি, পাঁচ-পাচুটি

৩৬। টাৰ, ক্ষুদ্ৰাৰ্থে টাৰিঃ চুলিটাৰ, বাঢ়্নীটাৰ, চুলিটাৰি

৩৭। টুকুৰা, টুকুৰিঃ কাঠটুকুৰা, কাঠটুকুৰি

৩৮। টোপা ক্ষুদ্ৰৰ্থে টুপিঃ পানী-টোপা, চকুলো টুপি

৩৯। ডৰাঃ সৰিয়হ-ডৰা

৪০। ডালঃ বাঁহ-ডাল

৪১। ডোখৰঃ সময়-ডোখৰ, কাঠ-ডোখৰ

৪২। থানঃ কাপোৰ-থান

৪৩। থোকঃ কল-থোক

৪৪। থোপাঃ ফুল-থোপা

৪৫। দলঃ ডেকা-দল

৪৬। দোঙাঃ পানী-দোঙা

৪৭। ধাৰ, ধাৰিঃ মালা-ধাৰ, মালা ধাৰি

৪৮। পাট, পাটিঃ কাঁড়-পাত, ব’ঠা পাট

৪৯। পাবঃ কুঁহিয়াৰ পাব

৫০। পাহঃ ফুল-পাহ

৫১। পালিঃ দৰৱ-পালি

৫২। পদঃ অলংকাৰ-পদ

৫৩। ফাকিঃ কথা-ফাকি, কবিতা-ফাকি

৫৪। ফেৰা, ফেৰিঃ লোণ-ফেৰা, সময় ফেৰা, চেনি-ফেৰি

৫৫। ভাগ, ভাগিঃ পূজা-ভাগ, পূজা-ভাগি

৫৬। মুঠা, মুঠিঃ কুশ-মুঠা, চাউল-মুঠা, ভাত-মুঠি, চাউল-মুঠি।

৫৭। যোৰ, যুৰিঃ পাৰ-যোৰ, জোতা-যোৰ, চকু-যুৰি

৫৮। লদাঃ গোৱৰ-লডা

৫৯। ষাৰ, ষাৰিঃ মাত-ষাৰ, মাত-ষাৰি

৬০। সাজঃ ভাত-সাজ, কাপোৰ-সাজ

৬১। হাল, হালিঃ গৰু-হাল, চৰাই হালি
(তথ্য সংগ্ৰহঃ ইণ্টাৰনেট)