Monday, April 26, 2021

সেউজীয়া চাহ(হাৰ্বেল টি)

সেউজীয়া চাহ(হাৰ্বেল টি):
(শৰীৰৰ প্ৰতিৰোধ ক্ষমতা(Immunity) বৃদ্ধিৰ বাবে)

(গ্ৰীন টি পান নীতি-নিয়মৰ মাজেৰেহে কৰিব; জধেমধে ইয়াক পান কৰিলে হিতে বিপৰীত হব পাৰে।)

সেউজীয়া চাহঃ
গ্ৰীণ টি আৰু ভিন ভিন 'হাৰ্বেল টি'ৰ প্ৰতি বিশেষকৈ সকলো মানুহৰে দুৰ্বলতা আছে। কাৰণ এইবোৰ ঔষধি গুণসম্পন্ন আৰু বহু ৰোগত উপকাৰী। হাৰ্বেল টি অৰ্থাৎ এই ঔষধি চাহ বিভিন্ন এণ্টিঅক্সিডেণ্টেৰে ভৰপূৰ যিয়ে শৰীৰৰ ৰোগ প্ৰতিৰোধ ক্ষমতা বৃদ্ধি কৰে আৰু ফ্ৰী ৰেদিকেলৰ প্ৰতিকূল প্ৰভাৱৰ পৰা ৰক্ষা কৰে।

ই আমাক, ডায়েবেটিচ, মেদবহুলতা, কলেষ্টৰল সমস্যা, হাৰ্টৰ অসুখ, কেঞ্চাৰ আদি বহুতো ৰোগৰ পৰাও আমাক বচাই ৰাখে।

অনিদ্ৰা, ষ্ট্ৰেছ আদিও দূৰ কৰাত সহায় কৰে। হাৰ্বেল টি বুলি কোৱা হয় যদিও আমাৰ প্রিয় চাহকাপৰ দৰে এইবোৰত চাহপাত দি বনোৱা নহয়। ই আচলতে এবিধ বা ততোধিক বনৌষধিৰ পৰা বনোৱা এবিধ বিশেষ চাহ য'ত চাহৰ কেফেইন (Caffein) একেবাৰে নাথাকে বা একেবাৰে নগণ্য পৰিমানে কেফেইন থাকিব পাৰে।

গ্ৰীন টি পান কৰাৰ বিধিঃ
সেউজীয়া চাহ বা গ্ৰীন টিত কেতিয়াও শুই উঠিয়েই, খালি পেটত বা গাখীৰ, চেনিৰ সৈতে নাখাব; বিৰূপ প্ৰতিক্ৰিয়া হব পাৰে। দৈনিক ২-৩ কাপত কৈ অধিক গ্ৰীন টি নাখাব।

কেতিয়া কেনেকৈ পান কৰিব গ্ৰীন টি?
* ৰাতিপুৱাৰ লঘু আহাৰৰ পিছত।

* খালি পেটত গ্ৰীন টি খালে গ্যাস্ট্রিকৰ সমস্যা হব পাৰে। সেয়েহে ৰাতিপুৱাৰ স্বাস্থ্যকৰ লঘু আহাৰ গ্ৰহণ কৰাৰ পিছত একাপ গ্ৰীন টি পান কৰিব পাৰে।

ৰাতি শোৱাৰ প্ৰায় ২ঘণ্টা আগতঃ
ৰাতি বিচনালৈ যোৱাৰ আগতে গ্ৰীন টি পান কৰিলে শৰীৰৰ ওজন কমোৱাত সাহায্য কৰে। গ্ৰীন টি পানে অনেক সময়ত টোপনি নষ্ট কৰিব পাৰে, সেয়ে শুবলৈ যোৱাৰ প্ৰায় ২ঘণ্টা মান আগতেই এই চাহ পান কৰিব লাগে। তথাপিও যদি টোপনিৰ সমস্যা হয়েই থাকে তেন্তে ৰাতিৰ গ্ৰীন টি পান এৰিব লাগিব আৰু দিনৰ অন্য সময়ত পান কৰিব পাৰে।

ব্যায়াম কৰাৰ আগতঃ
ব্যায়াম কৰাৰ আধা ঘণ্টা আগত গ্ৰীন টি পান কৰিলে শৰীৰ মেটাবলিজম বঢ়াৰ লগতে কর্মদক্ষতাও বাঢ়িব। ফলত ই ওজন আৰু মেদ কমোৱাত সহায় কৰিব।

অনেকেই আহাৰ খোৱাৰ আগত বা পিছত বা আহাৰ খাই উঠাৰ লগে লগেই গ্ৰীন টি পান কৰে। আহাৰ খাই উঠাৰ লগেলগে গ্ৰীন টি পান কৰা উচিত নহয়। আহাৰ গ্ৰহণ কৰাৰ পিছত কমপক্ষেও ৪৫ মিনিটৰ পৰা ১ ঘণ্টা মান পিছতহে গ্ৰীনটি পান কৰিব লাগে।

কেতিয়া কেতিয়া গ্ৰীন টি পান নকৰিবঃ
* ৰাতিপুৱা খালি পেটত গ্ৰীন টি পান নকৰিব।
* আহাৰ গ্ৰহণ কৰি উঠিয়েই গ্ৰীন টি পান নকৰিব।
* টোপনিৰ পৰা উঠি, গভীৰ ৰাতি গ্ৰীন টি পান নকৰিব।

(তথ্যৰ উৎসঃ ইণ্টাৰনেট)

পিঁ‌য়াজ

পিঁ‌য়াজঃ
(শৰীৰৰ প্ৰতিৰোধ ক্ষমতা(Immunity) বৃদ্ধিৰ বাবে পিঁ‌য়াজ)

পিঁ‌য়াজ নোহোৱাকৈ আমাৰ এসাঁজো ভাত নচলে৷বহুতৰ প্ৰিয় খাদ্য হ'ল কেঁচা পিঁয়াজ নাইবা চালাডত মিহলি পিঁয়াজ৷ পিঁয়াজৰ ব্যৱহাৰ ৫হেজাৰৰো অধিক বছৰ পুৰণি৷ বুৰঞ্জীয়ে কোৱা মতে ইজিপ্তত পিৰামিডৰ নিৰ্মাণৰ লগত জড়িত বনুৱাসকলক কামৰ বিনিময়ত পিঁয়াজ দিয়া হৈছিল৷ এচিয়াৰ বিভিন্ন দেশ আৰু মধ্যপ্ৰাচ্যত বহু হাজাৰ বছৰৰ পৰা পিঁয়াজৰ খেতি চলি আহিছে৷ কলম্বচে পিঁয়াজৰ সঁচ বেষ্ট ইণ্ডিজ আৰু আমেৰিকালৈ লৈ যায়৷আজি বিশ্বৰ অধিক পিঁয়াজ উৎপাদনকাৰী দেশৰ তালিকাত আমেৰিকাও আছে৷আন আন দেশ হ'ল-ভাৰত, পাকিস্তান, চীন, ৰাচিয়া, স্পেইন, ইজিপ্ত৷পিঁয়াজ ডাঙৰ, মজলীয়া আৰু সৰু তিনিটা আকাৰৰ হয়, সৰহ সংখ্যক খেতি মজলীয়া বিধৰ হয়৷আকৌ সচৰাচৰ আমি দেখা ৰঙা বিধৰ বাহিৰে এবিধ বগা পিঁয়াজো আছে৷ পিঁয়াজৰ ব'টানিকেল নাম হ'ল- এলিয়াম চিপা(Allium cepa)।

চিৰতা তিতা/ কালমেঘ

চিৰতা তিতা/ কালমেঘঃ
(শৰীৰৰ ৰোগ প্ৰতিৰোধ ক্ষমতা(Immunity) বৃদ্ধিৰ বাবে।)


চিৰতা আয়ুৰ্বেদ শাস্ত্ৰত কালমেঘ হিচাবেও জনা যায়। এই গুল্ম জাতীয় উদ্ভিদবিধ উত্তৰ-পূৱ ভাৰতত 'মহা-তিতা' অৰ্থাৎ তিতাৰ ৰজা বুলিও পৰিচিত। বিশেষকৈ পাত আৰু শিপা ঔষধ হিচাবে ব্যৱহাৰ কৰা হয়। চিৰতা ভাৰত, নেপালৰ ওপৰিও শ্রীলঙ্কাতো পোৱা যায়।

Sunday, April 25, 2021

বিহুগীতত নাৰীৰ সৌন্দৰ্য

বিহুগীতত নাৰীৰ সৌন্দৰ্য
বিন্দু ৰাজবংশী কলিতা,


বিহুগীত সমূহত প্ৰেম,প্ৰকৃতি, বিৰহ বেদনা অসমৰ সাজপাৰ, ইত্যাদিকে ধৰি সমাজৰ প্ৰতিটো  দিশকে সামৰি লোৱা হয়। ইয়াৰ ভিতৰত নাৰীৰ সৌন্দৰ্যৰ মুক্ত প্ৰকাশ বিহুগীতৰ এটা প্ৰধান বৈশিষ্ট্য। নাৰীৰ ৰূপ লাৱন্যৰ বৰ্ণনা বিহুগীতৰ এটা অবিচ্ছেদ্য অংগ। এটা সময়ত বিহুগীতৰ চলেৰে ডেকা সকলে গাভৰুৰ মন জয় কৰি প্ৰেম নিবেদনত সফল হৈছিল আৰু সেই প্ৰেম পিছলৈ বিবাহলৈ ৰূপান্তৰিত হৈ যুগমীয়া হৈছিল। সেয়েহে যুগ যুগ ধৰি প্ৰচলিত হৈ অহা বিহুগীত সমূহেনাৰীৰ সৌন্দৰ্য্যক এটা সুকীয়া ৰূপত প্ৰকাশ কৰি আহিছে। 

বিহুগীতত ফুলৰ নান্দনিক সৌন্দৰ্য

বিহুগীতত ফুলৰ নান্দনিক সৌন্দৰ্য
অজয় বৰুৱা, দৰং


'হাগ মানে ঋতুৰাজ বসন্ত।বসন্ত মানেই - ফুলৰ সুবাস চৌপাশে। শীতৰ জঠৰতা তন্দাচন্দ কৰি ৰখা প্রকৃতিৰ বিভিন্ন ৰঙেৰে ৰাঙলী হয় এই বসন্ত। যাৰ ৰাগী আৰু সৌন্দৰ্যই মতলীয়া কৰে ডেকা গাভৰুৰ মন,শৰীৰ।বসন্তত পলাশ, শিমলু, মদাৰে ডাল  ভৰি ৰঙীণ হৈ থাকে,থাকে মনো। শীত কালত গছ-গছনি লতিকাৰ পাত সৰি লঠঙা হৈ পৰে। ফাগুণ-'তৰ পচোৱাই প্রকৃতিৰ সমস্ত বস্ত্ৰ কাঢ়ি উলংগ কৰি পেলায়। প্রকৃতৰ এই বিবস্ত্ৰ অৱস্থা প্ৰত্যক্ষ কৰিয়েই ধৰাৰ বুকুলৈ নামি আহে বসন্ত। বসন্তই ৰূপ -ৰস,গোন্ধ আৰু সাজ পাৰ,-অলংকাৰেৰে প্ৰকৃতিক এনে ধৰণে আকর্ষণীয় কৰি তোলে যে প্রকৃতিৰ এনে আকৰ্ষণীয় ৰূপত আকৃষ্ট হৈ চৰাই-চিৰিকটিয়ে সুললিত কণ্ঠৰে গীত গাই এক যৌৱনাময় পৰিবেশৰ সৃষ্টি কৰে। প্রকৃতিৰ বুকুত নানা ফুলে ৰঙৰ মেলা পাতে।

Saturday, April 24, 2021

Undertaking from LP TET Teachers

Order Regarding taking of Undertaking from LP TET Teachers'(SSA)
Ref. SMO Letter No. SSA/Acctts/Teachers Salary(TET)/2018-19/209/2018/5529-A dated 31-03-2021

Undertaking

 

Order Regarding taking of Undertaking from LP TET Teachers'(SSA)
Ref. SMO Letter No. SSA/Acctts/Teachers Salary(TET)/2018-19/209/2018/5529-A dated 31-03-2021

Thursday, April 22, 2021

TET MCQ Test-2021-75 Sub:Assamese

LP/ UP টেট প্ৰস্তুতি-2021
Prepared by: Hemant Kr. Das, TQF, Assam

অসম টেট দিবলৈ ইচ্ছুক আৰু প্ৰস্তুতি চলাই থকা সমূহ প্ৰাৰ্থীলৈ  TET Qualified Forum, Assamৰ তৰফৰ পৰা আন্তৰিক শুভেছা।

তোমাৰ প্ৰেম….

কবিতাঃ
তোমাৰ প্ৰেম
.
তাপস দাস
                                


 তোমাৰ প্রেমে,
মোৰ নিজান - নিথৰ
জীৱনলৈ কঢ়িয়াই আনিলে
এক বুজাব নোৱাৰা সুখ ,
এই পৃথিৱী খন
মোৰ বাবে আছিল
কেবল মাত্র কর্তব্য
কৰি যোৱাৰ থল।

অপ্ৰাপ্তিৰ শেষত

অপ্ৰাপ্তিৰ শেষত


দীপাঞ্জলী দাস, ৮৫৫নং কঠোৰবৰী প্ৰাথমিক বিদ্যালয়

জেতুকাবুলীয়া সুবাস এটাই তাক অস্থিৰ কৰি তুলিলে।

জবা ফুলৰ চাহ(Hibiscus Tea)

জবা ফুলৰ চাহ(Hibiscus Tea):

বৰ্তমান সময়ত এইবিধ চাহ অতি জনপ্ৰিয় হোৱা দেখা গৈছে। নানা গৱেষণাৰ অন্তত এইবিধ চাহ অতি উপকাৰী বুলি জনা গৈছে। স্বাস্থ্যসচেতন লোকৰ বাবে জবাফুলৰ পৰা তৈয়াৰী এই চাহ বৰদান স্বৰূপ।

Wednesday, April 21, 2021

মহৌষধী অমৰ লতা

মহৌষধী অমৰ লতাঃ
(এই লতা কেৱল ভাৰতত হে পোৱা যায়)

অমৰ লতা, শগুণী লতা, অমৃতা বা গিলোয়ঃ
অমৰ লতা বিভিন্ন শাৰীৰিক সমস্যাত ব্যৱহাৰ হয়? যেনে ধাতুদূৰ্বল, যৌন দূৰ্বলতা, প্ৰেস্বাৱ জ্বলা পোৰা কৰা, গেষ্ট্ৰিক, কোষ্ঠকাঠিন্য, উচ্চ ৰক্তচ্চাপ, শৰীৰৰ মেদবহুলতা বা অতিৰিক্ত ছৰ্বী নিয়ন্ত্ৰণ, মেলেৰীয়া, টায়েফয়েদ জ্বৰ, বাত বিষ, বদহজম, এচিডিটি, ডায়েবেটিছ বা ব্লাড চুগাৰ নিয়ন্ত্ৰন, মগজু, হৃদযন্ত্ৰ, যকৃত, হাঁওফাঁওৰ দূৰ্বলতা ইত্যাদি।

অমৰ লতা বা শগুণী লতাৰ পৰা প্ৰস্তুত কৰা হয় হোমিঅপেথিক ঔষধ। আপোনালোকে হয়তো জানে যে হোমিঅপেথিক মেডিচিন বিভিন্নধৰণৰ খনিজ পদাৰ্থ, জীৱ-জন্তু, গছ-লতাৰ পৰাই প্ৰস্তুত কৰা হয়।

১০০ টাতকৈও অধিক শাৰীৰিক সমস্যাত ব্যৱহাৰ হোৱা যিটো ঔষধিৰ বিষয়ে আজি আপোনালোকক কবলৈ উলাইছো সেই ঔষধিটো অমৰলতা, সিদ্ধিলতা বা শগুণীলতা বুলিও জনাজাত এজোপা লতাজাতীয় উদ্ভিদৰ পৰাই প্ৰস্তুত কৰা হয়। আমাৰ পৰিবেশৰ চৌপাশে থকা হাবি-জংঘল বোৰত এই লতাজাতীয় গছ প্ৰায়ে দেখিবলৈ পোৱা যায়।

এই উদ্ভিদক হিন্দীতঃ গিলোয় বুলি কোৱা হয়, সংস্কৃততঃ অমৃতা, মধুপৰ্নী, গুৰুচী বা অম্ৰুতাবলী বুলি কোৱা হয় আৰু ইংৰাজীতঃ মোন লিফ বুলি জনাযায়। ইয়াৰ বৈজ্ঞানিক নাম Tinospora Cordifalia.

Tinospora Cordifalia নামেৰেই হোমিঅপেথিক মেডিচিনো প্ৰস্তুত কৰা হয়। বেদ-উপনিষদৰ যুগৰে পৰাই এই উদ্ভিদক মহৌষধ ৰূপে ব্যৱহাৰ কৰি অহা হৈছে।

শগুণী বা অমৰলতাৰ পাত দেখাত পাণ সদৃশ, ডাল খহতা, সৰু সৰু কাইট যুক্ত, আৰু গছআলু বা কাঠআলুৰ নিচিনা গছত বগাই যায়। যিকোনো ডাল পুতিলে সহজে গজে। সেয়ে এই লতাবিধক অমৰলতা বোলা হয়।

অন্যহাতে সংস্কৃতত ইয়াক অমৃতা বোলাৰ মূলতে ইয়াৰ সঠিক সেৱনত মানুহে অমৃতসম ফল লাভ কৰিব পাৰে। অৰ্থাত এই লতাবিধ নিজেও অমৰ আৰু আন জীৱকো অমৰ বা সহজে মৰিব নিদিয়ে। ইয়াক কেৱল ভাৰততহে পোৱা যায়। আন দেশত পোৱা নাযায়।

অমৰ লতাৰ গুণাগুণঃ
অমৰলতাক অমৃতা বা শগুণী লতা বোলাৰ মূলতে আমাৰ শৰীৰত হব পৰা ১০০ বিধৰো অধিক ৰোগক প্ৰতিৰোধ নাইবা অৰোগ্য কৰিব পৰা গুণ আছে।

অমৰলতা প্ৰচুৰ পৰিমানে কেলচিয়াম, ফচফৰাচ, প্ৰটিন আদি দেহৰ পৰিপুষ্টি যোগাব পৰা নানা উপাদানেৰে সমৃদ্ধ। ইয়াৰ বিভিন্ন ৰোগ নিবাৰক গুণ থকাৰ উপৰি দেহৰ ৰোগ প্ৰতিৰোধ ক্ষমতাৰ বৃদ্ধি কৰে।

পাচন শক্তি বৃদ্ধি কৰাৰ লগতে বদ হজম, এচিডিতি, গেষ্ট্ৰিক, পেট জলাপোৰা, আমাশয়, গ্ৰহণী, কোষ্ঠকাঠিন্য, অৰুচি, অভোক, উগাৰ, বমিভাৱ আদি যিকোনো পেটৰ ৰোগৰ বাবে অত্যন্ত উপকাৰী।

অমৰলতা সেৱন কৰিলে পেটৰ বা শৰীৰত জমাহোমা বিষাক্ত অলাগতিয়াল আৱৰজনা বাহিৰ হয়।

অমৰলতাই দুষিত ৰক্ত শোধন কৰাৰ লগতে শৰীৰত ৰক্ত বৃদ্ধি কৰি ৰক্ত হীনতা দূৰ কৰে। ই লগতে কোলেষ্ট্ৰল আৰু ব্লাড চুগাৰ নিয়ন্ত্ৰন কৰে। দেহৰ হিমোগ্লবিনৰ অভাৱ দুৰ কৰে।

উচ্চ ৰক্তচ্চাপ নিয়ন্ত্ৰনত সহায় কৰে।

মগজু, হৃদযন্ত্ৰ, যকৃত, হাঁওফাঁওৰ দুৰ্বলতাৰ বাবে অমৰলতা অত্যন্ত উপকাৰী।

অমৰ লতাই শৰীৰৰ অতিৰিক্ত চৰ্বি, মেদবহুলতা বা অতিৰিক্ত ওজন হ্ৰাস কৰে।

সৰ্দি, জ্বৰ, কাহ, এজমা, মেলেৰীয়া, টায়েফয়েদ আদি ৰোগৰ বাবে অতি উপকাৰী।

অমৰলতাৰ এণ্টি-ভাইৰেল, এণ্টি-বেক্টেৰিয়েল গুণ থকাৰ বাবে যিকোনো ভাইৰেল বা বেক্টেৰীয়াজনীত ৰোগৰ সংক্ৰমনক বাধা দিব পাৰে।

ডেংগী, স্বাৱাইনফ্লু, জাপানিজ এনকেফেলাইটিচ ৰোগৰ বাবে হিতকাৰী।

মহিলাৰ বন্ধাত্ব ৰোগতো আমৰ লতা অত্যন্ত উপযোগী।

ই পুৰুষ মহিলা উভয়ৰে যৌনক্ষমতা বৃদ্ধি কাৰক।

গাঠিঁ বিষ, বাতবিষ, অৰ্থৰাইটিচ, হাড়ৰ বিষ, হাড় ভঙা আদিত নিয়মিত খোৱাৰ লগতে পাত বা ঠাৰি থেতেলি প্ৰলেপ লগালে সোনকালে উপসম হয়।

অমৰলতাই গাৰ চালৰ উজ্জলতাও বৃদ্ধি কৰে।

খজুৱতি, এলাৰ্জী ৰোগতো উপকাৰী।

স্মৃতি শক্তিৰ লগতে ই দৃষ্টি শক্তিও বৃদ্ধিকৰে।

জন্ডিচ আৰু কৰ্কত ৰোগত অমৰলতা ব্যৱহাৰ কৰিলে ৰোগ সোনকালে আৰুগ্য হয়।

অমৰলতাত এণ্টিএজিং, এণ্টি-ভাইৰেল, এণ্টি-আক্সিডেণ্ট গুণ থকাৰ বাবে নিয়মিত সেৱনত শৰীৰ নিৰোগী, বয়সৰ চাপহীনহৈ সুস্বাস্থ্য লাভ হয়।

বিদ্ৰঃ আপোনালোকে যিহেতু ইয়াক বিচাৰি আনি মেডিচিন প্ৰস্তুত কৰি লোৱাটো সম্ভৱ নহব গতিকে হোমিঅপেথিক দৰবৰ দোকান এই মেডিচিন সহজতলভ্য। আপোনালোকে সংগ্ৰহ কৰি লব পাৰে।
(তথ্যসংগ্ৰহঃ ইণ্টাৰনেট)

অপৰাজিতা ফুলৰ চাহ আৰু চৰ্বত

অপৰাজিতা ফুলৰ চাহ আৰু চৰ্বতঃ

বিভিন্ন বনৌষধিৰ দৰে অপৰাজিতা আমাৰ অসমত বিশেষকৈ মাংগলিক কাৰ্য অৰ্থাৎ পূজা পৰ্বত যথেষ্ট ব্যৱহাৰ হয় বুলিহে জ্ঞাত। কিন্তু অপৰাজিতাৰ যে বিশেষ গুণ আছে আৰু ঔষধি গুণেৰে সম্পন্ন, সেই বিষয়ে হয়তো বহুতে জ্ঞাত নহয়। অপৰাজিতা বহুত ধৰণে আমি ব্যৱহাৰ কৰিব পাৰোঁ, যেনে- অপৰাজিতা চাহ, অপৰাজিতা চৰ্বত, অপৰাজিতা জুইচ ইত্যাদি।

Popular